2025-03-24
М.Бат-Оргил “Инвескор Капитал ҮЦК” ХХК-ийн Гүйцэтгэх захирлаар томилогдлоо.
“Инвескор Капитал ҮЦК”-ийн Төлөөлөн удирдах зөвлөлийн 2025.02.10-ны өдрийн ээлжит бус хурлын шийдвэрээр тус компанийн Байгууллагын бизнес хариуцсан захирал Мөнхгэрэл овогтой Бат-Оргилыг Гүйцэтгэх захирлаар дэвшүүлэн томилох шийдвэрийг гаргасан бөгөөд “Санхүүгийн Зохицуулах Хороо”-ны 2025.03.17-ны өдрийн даргын тушаалаар хүчин төгөлдөр болж үүрэгт ажилдаа орлоо.

М.Бат-Оргил захирал нь банк, санхүүгийн салбарт 14 жил тасралтгүй ажилласан туршлагатай нэгэн бөгөөд харилцагчийн менежмент, байгууллагын санхүүгийн үйлчилгээ, бизнес хөгжил зэрэг чиглэлээр мэргэшсэн, чадварлаг удирдагч юм. Мөн “Инвескор Капитал ҮЦК”-ийн Байгууллагын бизнес хариуцсан захирлаар 2022 оноос өнөөдрийг хүртэлх хугацаанд ажиллаж байгаа Хөрөнгийн зах зээлийн туршлагатай экспертүүдийн нэг юм.
Цаашид “Инвескор Капитал ҮЦК”-ийн хөгжлийн дараагийн шатанд хүргэх стратегийг удирдан чиглүүлж, шинэ боломжуудыг бий болгохоор ажиллах болсонд нийт харилцагчид, хамт олны нэрийн өмнөөс халуун баяр хүргэж, ажил хөдөлмөрийн өндөр амжилтыг хүсье!