2026-11-17

Дэлхийн хөрөнгө оруулалтын урсгал

2026 оны 11-р сарын 16-ны байдлаар

Одоогийн гол чиг хандлага: Хөрөнгө оруулагчдын мөнгө Европын хувьцаа руу хүчтэй шилжиж, АНУ-ын хувьцаанд орох урсгал харьцангуй саарч байна. Харин хөгжиж буй зах зээлүүдэд хөрөнгийн урсгал тогтворгүй хэвээр байна.

  1. Дэлхийн хувьцааны сан+$51.0B ам.доллар

  1. Дэлхийн бондын сан−$0.51B ам.доллар

  1. Мөнгөний захын сан−$37.5B ам.доллар

Энэ хөдөлгөөн нь дэлхийн хөрөнгө оруулагчид хувьцаанаас нийтээрээ гарч байгааг бус, харин газарзүйн болон салбарын хөрөнгө оруулалтын бүтцээ дахин тэнцвэржүүлж байгааг илэрхийлж байна.

  • Европ — хамгийн хүчтэй мөнгөн урсгал. Европын хувьцааны сангууд $35.13 тэрбумын цэвэр хөрөнгө татсан нь 2021 оны зургаадугаар сараас хойших хамгийн өндөр долоо хоногийн үзүүлэлт.

  • АНУ — хөрөнгийн урсгал эерэг боловч эрч нь буурсан. Өмнөх долоо хоногийн $14.81 тэрбумаас $6.60 тэрбум болж буурчээ.

  • Ази — бүс нутгийн сангийн урсгал эерэг, улс хоорондын ялгаа өндөр. Технологи, хагас дамжуулагчийн салбарын эрсдэл хөрөнгө оруулагчдын шийдвэрт хүчтэй нөлөөлж байна.

  • Бонд — эрсдэлийн сонголт өөрчлөгдөж байна. Компанийн бондын сангууд хөрөнгө татсан бол Засгийн газрын болон хөгжиж буй зах зээлийн бондын сангуудаас мөнгө гарлаа.

  • Хөгжиж буй зах зээл — богино хугацааны сэргэлт ба суурь эрсдэл зэрэгцэж байна. Хувьцааны сангийн долоо хоногийн урсгал эерэг байгаа ч 10-р сарын нийт гадаадын багцын хөрөнгө оруулалтын урсгал сөрөг байв.

Хөрөнгө оруулалтын дүгнэлт: Дэлхийн хөрөнгө оруулалтын урсгалын гол өөрчлөлт нь хувьцааны зах зээлээс гарах хөдөлгөөн бус, бүс нутаг болон салбарын хөрөнгө хуваарилалтыг дахин тэнцвэржүүлж буй явдал юм. Европын хүчтэй хөрөнгө таталт хамгийн тод дохио болж байгаа ч АНУ, Азид ч цэвэр мөнгө орсон хэвээр байна. Хөгжиж буй зах зээлүүдийн хувьд Энэтхэгийн сэргэлт болон Тайванийн борлуулалт зэрэгцэн ажиглагдаж буй нь хөрөнгө оруулагчид бүх emerging market-ийг нэг ангилалд авч үзэхээс илүү улс, салбар, компанийн эрсдэлд тулгуурлан сонголтоо хийж байгааг илэрхийлж байна.

Хөрөнгө оруулалтын шийдвэрт Европ болон Global ex-US чиглэлийн урсгалыг үргэлжлүүлэн хянах, Азид сонгомол байр суурь баримтлах, хөгжиж буй зах зээлийн бондын хүү болон валютын эрсдэлийг онцгой анхаарах нь зохистой юм.

Эх сурвалж: Reuters, Investing.com, LSEG Lipper