
2026 оны 11-р сарын 16-ны байдлаар
Одоогийн гол чиг хандлага: Хөрөнгө оруулагчдын мөнгө Европын хувьцаа руу хүчтэй шилжиж, АНУ-ын хувьцаанд орох урсгал харьцангуй саарч байна. Харин хөгжиж буй зах зээлүүдэд хөрөнгийн урсгал тогтворгүй хэвээр байна.
Энэ хөдөлгөөн нь дэлхийн хөрөнгө оруулагчид хувьцаанаас нийтээрээ гарч байгааг бус, харин газарзүйн болон салбарын хөрөнгө оруулалтын бүтцээ дахин тэнцвэржүүлж байгааг илэрхийлж байна.
Хөрөнгө оруулалтын дүгнэлт: Дэлхийн хөрөнгө оруулалтын урсгалын гол өөрчлөлт нь хувьцааны зах зээлээс гарах хөдөлгөөн бус, бүс нутаг болон салбарын хөрөнгө хуваарилалтыг дахин тэнцвэржүүлж буй явдал юм. Европын хүчтэй хөрөнгө таталт хамгийн тод дохио болж байгаа ч АНУ, Азид ч цэвэр мөнгө орсон хэвээр байна. Хөгжиж буй зах зээлүүдийн хувьд Энэтхэгийн сэргэлт болон Тайванийн борлуулалт зэрэгцэн ажиглагдаж буй нь хөрөнгө оруулагчид бүх emerging market-ийг нэг ангилалд авч үзэхээс илүү улс, салбар, компанийн эрсдэлд тулгуурлан сонголтоо хийж байгааг илэрхийлж байна.
Хөрөнгө оруулалтын шийдвэрт Европ болон Global ex-US чиглэлийн урсгалыг үргэлжлүүлэн хянах, Азид сонгомол байр суурь баримтлах, хөгжиж буй зах зээлийн бондын хүү болон валютын эрсдэлийг онцгой анхаарах нь зохистой юм.
Эх сурвалж: Reuters, Investing.com, LSEG Lipper