
Германы нийслэл Берлин хотноо болсон Украинд дэмжлэг үзүүлэгч орнуудын (Coalition of the Willing)-ийн уулзалтаар дайны дараах Украины аюулгүй байдлын баталгаа болон энхийн хэлэлцээний дараагийн шатны асуудал голлон хэлэлцэгдлээ.
Уулзалтанд Volodymyr Zelenskyy, Германы канцлер Friedrich Merz, АНУ-ын тусгай элч нар болох Steve Witkoff болон Jared Kushner, мөн Европын гол холбоотон орнуудын удирдагчид оролцсон байна. Талууд Украинд олгох “итгэл төрүүлэхүйц дайны дараах аюулгүй байдлын баталгаа”, эдийн засгийн сэргээн босголтын төлөвлөгөө болон олон талт хэлэлцээний дараагийн үе шатыг бэлтгэх асуудлыг авч хэлэлцжээ.,
АНУ-ын тусгай элч Jared Kushner Ерөнхийлөгч Donald Trump Украинд НАТО-гийн хамтын хамгаалалтын зарчимтай төстэй аюулгүй байдлын баталгаа олгох хувилбарт нээлттэй хандаж буйг мэдэгдсэн байна. Мөн Орос улс Европыг ирээдүйн энхийн хэлэлцээнд оролцуулах асуудалд илүү уян хатан байр суурь илэрхийлж эхэлсэн гэж тэр онцолжээ.
Харин канцлер Friedrich Merz Украин болон Европын оролцоогүйгээр хийгдэх аливаа энхийн тохиролцоо амжилтгүй болно гэж анхааруулж, “Ялтын хэв маягийн” их гүрнүүдийн хоорондын тохиролцоо энх тайван авчрахгүй гэдгийг онцолсон байна.
Уулзалт нь АНУ, ОХУ, БНХАУ-ын удирдагчдын Шэньжэнь дэх дээд хэмжээний уулзалтын дараахан болсон бөгөөд Европын орнууд Украины талаарх ирээдүйн энхийн хэлэлцээнд өөрсдийн оролцоог баталгаажуулахыг зорьж байгаа юм.
Эх сурвалж: Reuters, RTÉ, France 24